ياخي بجاه ربي جدت عليكم؟ عمار مازال ما هبلش باش يعلق المقص. ما خس عقلكم الحاسيلو. هي هي
من شب على شيئ شاب عليه, الي يشد الكرسي مازال يسيب فيه هوا؟
ها ها ها. عميرات تونسي مقطر من صرام الكلاب
لبارح ضهرو وجعو و خذا نهار كونجي. أما فيسع فيسع رجعتلو الدودة. أهوك ملي دخل للبيرو عطاهم الحس مرة أخرى
دايلي موشن و يوتيوب هاذوكم الفخر الكبير متاع صحيبنا عميرات
تي عطاوه نيشان معلقو يتددل فالرتروفيزور متاع ال404 متاعو
هايا يا جماعة, أعملو ربي في بالكم و أرجعو لحيات عادية
يا عمار, رد بالك عاد. تمشيشي تصدق إلي الجموع سامحتك
يا عمار يا علوش حضر مقصك للكرتوش
5 réflexions au sujet de « عمار يلعب معاكم فالغميضة »
9olt el 7a9 ma7sssoub sehla hia la7keya !!!
klemek s7i7. en plus, ena je crois elli houwa y7ell w ysakker bech yched ejjme3a
Legend of The Falls last blog post..مقولة اليوم
وانا قاعد نحضّر في مقال جدسد نشكر فيه في عمّار…
bachbouchs last blog post..Mon dernier project avec Yahoo
ميسالش يا بشبوش…المقال خلّية في البرويون. آش كون يعرف؟مش يمكن عمار يتراجع عن أقوالو؟
Legend of The Falls last blog post..مقولة اليوم
معناها الشعب التونسي ولّى لعبة في ايديه… لا رحمة لا شفقة… أنا ما يقلقنيش، البروكسي ديما خدّام على ما ياتي أما علاش شادين صحيح في الفضايح… ياخي يلزمنا ديما عفو رئاسي و قرار رئاسي باش نتهنّاوا و تولّي لحكاية مقدسة… كيفاش كلمتك هي، عمار الي عامل العار طلع إسمو العاطي شُهر الواطي