نجوم حفناوي الصريح ما قالولوش إلي باش نفركهم عليه

 

نقرا جرايد, فالحقيقة ماهمش جرايد أما كاغت تنضيف الشبابك

بحكم خدمتي, لازمني نقرا و نتصفح جرايدنا البودورو

أما نهار الجمعة الي فات طحت على مقال عند عمك طالح بو كشطة المعروف أكثر بإسم صالح الحاجة

هوة الحقيقة متاع ربي ماهوش مقال أما نافذة مفتوحة على التخلف والإنحطاط وإنعدام الأخلاق والتحضر

عادا ما نطولش عليكم, الناس الكل تعرف إلي تونس عايشة على وقع الكوب دافريك

 

 

 

آخر ما صدر في عالم التنبير والتجوبير هو الي قالو عمك الحفناوي الزاير على أعمدة البدعة الصحفية متاع صحيبنا صليح المليح إلي هو قرائة لكف ملاعبيتنا

أخطى حكايت الي نحنا مغرومين بحضك اليوم و قراءات الفنجان والطالع متع حسن الشارني أما الأرتيكل هذا قوي بصيفة غريبة

راهو قوي, قوي, قوي, قوي لين تقول بعععععععععع

السيد ولى يرسم فالخرايط الفلكية و يحكي على عطارد و زحل والقمر والمشتري كاينو يحكي على بنت خالتو

بعد ما كمل المحاضرة عالكواكب والأرتى والبوستة دورها حضك اليوم متاع الملاعبية

ويختم صحيبنا بالدواء الي لقاه ضد السحر الأسود متاع الكحلان والي هو ضربة ضربة

الحاسيلو يكمل هالصحافي كلامو و هو يقول

ولكن الحفناوي الزاير عودكم بحمايته للفريق الوطني ولاعبيه وإطاراته من هذه الآفة إنها حقيقة و لذا سيكون أبناؤنا على أتم الإستعداد الروحاني والفلكي بعد التصدي لهذه الآفة من خلال حلقات روحانية و لكل داء دواء

أما سي الحفناوي هذا بعطارد والمشتري متاعو, ما شلقش إلي أنا باش نكتب عليه؟ ما حلبش إلي باش نركبوهالو يا ناري عالصحافة متع ز… شي يحشم والله

حالةمكربة وبرة

نخليكم توة تقراو المقال متاع عم الراجل كيف تنزلو على الرابط هذا : مقال القرن عند طالح بو كشطة