مالي أنا صغير ما نحبها كان بيضاء, سبحان الله جربت الأخرين وندور ندور نرجع للبيضاء
الدنيا أذواق وأنا ذوقي جاء معا اليبضاء
تي هوا حتي فالبيضاء فما أنواع و أشكال
و أنا البيضاء بأنواعها تعجبني
كيف نراها؟ أوووه ما نحكيلكمش أس يصير فيا
حتا الكحلة قد ما يعملولها باش تظهر بيضاء وشيء
بيلبزولها كرايم فوقها وزينة وهيلمان
نذوقها, تعجبني أما نرجع للبيضاء متاعي
فارينة ولا سميد ديما هايلة
سمن ولا زبدة ديما فاوحة
عسل ولا شحور ديما حلوة
ناتورال ولا بالزعطر ديما بنينة
نتفكر كي كنت صغير كنت كي نمشي لدار ماماتي الله يرحمها و يذكرها بالخير كانت ديما تعمل الزوز
وأنا ما تغرمت بالعصيدة البيضاء كان في جرتها
كانت عندها زنس عصيدة بيضاء بالسميد والسمن والعسل
ما نحكيلكمش كيف تبدا مازالت سخونة تفور كيفاش تعملها كي البركان و تعمل فيها هاك النقبة فالوسط وتملاها بالزبدة و تعملي عليها فرشة عسل
آآآه قداش توحشتها
المهم توة
الفايدة موش فالعصيدة واكاهو
راهو اليوم مولد
المولد النبوي الشريف
يعني عيد ميلاد الرسول, سيدنا محمد صلى الله عليه وسلم
وبهالمناسبة نتمنالكم مولد مبروك ليكم الكل ومعا برشة حاجات اهين
من غير ما ننسى الناس الي نحبهم و عزاز علي أما ماهمش بحذايا
نادية, نادية, إيمان, ملكة, سنية, منو, فارس ,حاتم, شمس الدين وغيرهم وغيرهم
يطول الوقت ولا يقصار نتلقاو بحول الله
هياو توة وقيت باش نمشي نحظر روحي ونمشي نرقد حلفة للوالدة باش تعملي عصيدة بيضاء
تشاو
نسيت باش نقلكم
موش ليوم 20 مارس
ضاهرلي عيد الإستقلال
رغملي مانيش فرحان ياسر إلي آستقلينا أما كل عام و تونس بخير
موش تونس الكل
أما الناس الباهية موش الناس الي عملت فيها البطيط
ربكم يمهل ولا يهمل فرعون وجبروتو ولى تراب
مو مبعد مديدة قطنة و دبوزة عطر و أوموركم فالجبن
5 réflexions au sujet de « أنا نحبها بيضاء, ونتوما كيفاش تحبوها؟ »
ايجا بحذايا تو نعملّك عصيدة باهية من يديّا… آش عملت عصايد وقت الّي كنت في سيدي بو…زيد.
نحترم رايك اما بصراحة بنة و ريحة الكحلة وحدها … صدقني نبدى ناكل فيهل بصبعي قبل حتى ما تبرد و قبل ما تتحط في الصحاف متاعها.. مجنونة زقوقو في الدار و ماما تبدى تخبي فيها عليا باش ماناكلهاش الكل و نخليهم هكاكا..اما ختى البيضاء من عند ماماتي ماعندي فيها مانقول..
wena wena amone
Mira’s last blog post..Simon
moulid mabrouk!!!
klit 3sida bitha bnina!!!
khalitni nitsawir fi bnaya bidha wibnaya samra, 3ad nakra winkhammim bach injawbik bichi3ir, fil’akhir hhahhaha.. mala inkollik ana in7ibha zada bilboufiwa
hnani’s last blog post..الحاج كلوف وهو شْـكُـونْ