Stupeur! Un nouveau départ!!

والله عيب عليكم تظلمو فيها المرا

شبيكم تقولو عليها من حجاج عقاب الزمان و ما نعرفش عليكم

هو كيف تجي تشوف, صحيح إلي صوت المرا عورة, برى عاد كيف يبدا كيما صوت صوفية, الكلو رقة و حنان

أما صوتها ماعون خدمتها و كيما ذكر من الحديث رغم ضعفه : العمل عبادة

أهيكا مستورة المرا, ماهاش لا لابسة ديكولتي لا شي, محترمة لين تقول يزي

شعر المرا زادة عورة, أهيكة صوفية غطات شعرها

تالمون حاشمة و مسيكنة النور ينبعث من وجها لين شفايفها ولات تلمع تقول توب نيون, عيب والله عيب عليكم تتهمو فالمرا

ما زلت نسمع واحد فيكم يشكك في حجة صوفية صادق ولا أمينة فاخت والا الخرين الي بالي بالكم, راني نتفاهم معاه. و هذا يعتبر تنبيه شخصي لكل من يهمه الأمر

ومن أنذر فقد أعذر

و يا صوفية ما يهمكش في كلام الناس, حسابهم عند ربي. هيا توة نبقيك على خير و نشالله في عودة

حتى عمرة في رمضان موش بطالة, ثمة حديث يقول : من اعتمر في رمضان فكأنه حج معي

كيما قالو ناس قبل, اللوم بعد القضاء بدعة. أما من غير ما واحد يكسر راسو ياسر. السيد إلي قدامكم يتبكى و يتشكى راهو بكى ملاين و رمل كيفهم و ثكل عشرات الآلاف و يتم أكثر منهم و دمر بلاد رجعها حطام و حجر. حجر كيما قلبو. يعني كان واحد يغزرلو في هالحالة ما ينجمش يسخفو و يقول والله مسيكن ضميرو يؤنب فيه و رجع لربي و الله غفور رحيم سايسوه ما توجعوهش.

رادوفان كارازيتش يستاهل يتقص طروف طروف و تتوزع أشلائو في بلاد البلقان الكل

إبكي بابا إبكي. كان جيت في بلاصتك راني قتلت رو حي مع كل دمعة بكاها يتيم ولا أم ولا مرا ولا حتى ولد خالت مولى الباش متع عرس عساس الجبانة متاع سبرنيتسا و لا سارا ييفو.

التصويرة حقوقها محفوظة

Jerry Lampen – َAssociated press

آخر ما صدر في ميدان الجهل والخور من أخبار بلاد الحمير والبقر لا يمكن أن يكون إلا بيان أهل الكتاب في تحريم القطط والكلاب

بجاه ربي موش شيئ يخرج الواحد من صينتو و يخليه يزيد يبصم بالعشرة باش ما يتبعش هالشتل الي تفتي و تقرر  كل يوم؟ تي شيئ يجوجم الي عمرو ما تجوجم

هيا أقراو و قولولي آش قولكم في هالطلعة الأخرة متع هيئة الأمر بالمعروف والنهي عن المنكر

تمتعو و أضحكو ولا إبكيو ولا حتى إندبوهم و الي فيكم زادا يحب يقول إلي أنا عامل حملة ضد الأخلاق الحميدة والي المدونة متاعي ولات منبر للتنبير على الإسلام خلي ياخو راحتو

أما راهو باش يكون في علمكم أني ما عندي شيئ ضد الإسلام أما برشة حاجات ضد الأوباش والجبورة إلي تتكلم بآسمو

Gulf in the media

طالبت هيئة الأمر بالمعروف والنهي عن المنكر السعودية أمانة جدة اليوم الأحد بضرورة منع محلات الحيوانات الأليفة من بيع الكلاب والقطط .

واستندت الشرطة الدينية في موقفها لأحاديث نبوية تنهى عن بيع الكلاب والقطط ، مطالبة بضرورة متابعة جميع المحلات التي تبيع الحيوانات المذكورة ومنعها من بيعها نهائياً .

وأوضحت الهيئة أن بعض الشباب والشابات يستغلون القطط والكلاب كوسيلة مغازلة وللاستعراض في المراكز التجارية بجدة.

وأشار المتحدث الرسمي باسم هيئة الأمر بالمعروف والنهي عن المنكر بمنطقة مكة الشيخ احمد قاسم الغامدي في بيان نشر اليوم إلى أن الهيئة طلبت من أمانة مدينة جدة منع المحلات التي تبيع الحيوانات من بيع الكلاب والقطط سواء الأليفة أو غيرها وذلك لان الإسلام نهى عن بيعه وشرائها .

و باش ما تقولوش هذي ملفقة و جاية من عند عباد تحب تثير الفتنة ما بين أمة محمد, هاي المعلومة من عند واحدة من أكبر وكالات الأنباء و وقع نقلها علي موقع العربية

الرياض- أ ف ب

أعلن مسؤول في هيئة الأمر بالمعروف والنهي عن المنكر في العاصمة السعودية الرياض أن الهيئة قررت اعتبارا من الاربعاء 30-7-2008 ، منع بيع لقطط والكلاب أو اصطحابها في الشوارع والأماكن العامة تنفيذا لفتوى دينية في هذا الخصوص.

واشار مسؤول في مكتب الهيئة في الرياض، في تصريحات نقلتها صحيفة « الحياة » اللندنية بطبعتها السعودية, الى أنه سيتم توجيه خطابات الى محلات بيع الحيوانات من أجل منع بيع القطط وكلاب الزينة

وذكر أحمد زيدان، الذي يدير محلا وعيادة لبيع وعلاج الحيوانات في الرياض، أنه لم يتلق « أي أمر حتى الآن بشأن منع القطط وكلاب الزينة ». إلا أنه أشار الى وجود تعليمات سابقة من الهيئة تقضي بعدم بيع كلاب الزينة، « لكن لم يكن هناك تشديد على تطبيق ذلك ».

وقال المدير العام لهيئة الأمر بالمعروف والنهي عن المنكر في الرياض عثمان العثمان إن « الهيئة بدأت بالفعل منذ يومين بتفعيل قرار صدر عن أمير منطقة الرياض بالنيابة الأمير سطام بن عبد العزيز قبل شهر، ويقضي بمنع بيع القطط والكلاب أو اصطحابها في الأماكن العامة ».

وأوضح العثمان أن « هذا القرار صدر بناء على فتوى صدرت عن هيئة كبار العلماء، وهي أعلى مؤسسة ومرجعية دينية في السعودية، و تحرم اقتناء القطط وكلاب الزينة ».

وذكر مدير عام الهيئة أن الهيئة طلبت من مراكزها « مخاطبة محلات بيع الحيوانات بعدم بيع القطط والكلاب » وأشار إلى أن « سبب تفعيل القرار يعود الى انتشار ظاهرة اصطحاب بعض الشباب للقطط والكلاب لمعاكسة الفتيات ومضايقة العائلات، إلى جانب عدم الالتزام بالآداب العامة في الشوارع والأسواق التجارية ».

حسبي الله و نعم الوكيل و ربنا لا تحاسبنا على ما فعل السفهاء منا

يا سيدي مانيش باش نطول عليكم برشة

توة كنت ماشي نعمل دولاشة و نطل على وليدات الحومة القدم و على الأقل آش تبقى منهم ياخي صارت فازة رجعتني نجري باش نحكيها

يا سيدي بن سيدي أنا خاج مالدار و نسكر فالباب و نسمع صوت مرا تقول : « غطي راسك إحشم من عم الراجل » والله ما رديتش بالي مالأول أما آش تحب تعمل؟ طبيعة مشومة

غزرت, ويا ليتني ما غزرت. الطفلة إلي كان لازمها تغطي شعرها خاطرني أنا متعدي عمرها ما يفوتش الثمنية سنين إذا أنا عملتلها سوم. والله ماني عارف وين ماشية بينا هالحكاية و وين آخرتها

يا ناس راهو ما يجيش. يا ناس راهو عيب. يا ناس راهو حرام زقوم. توة ماشي في بالهم عملو آفار و دخلوها لدين  الإسلام و ريزرفاولها بلاصة بروميار لوج في فردوس الجنان؟ راهي الطفلة مازالت ما تفهم والو. تشوف في صحابها و أندادها يلعبو و شايخين و في حوايج الصيف لا على بالهم لا بسخانة لا بعورات يستروها

والله غاضتني الطفلة مسكينة, تي راهم باش يهبلوها و يعقدوها و يقصولها تسكرة ألي سامبل إلى سبيطار الرازي بمنوبة المناضلة

عيب يا ناس راهو ماهوش نور خارج منها أما غل و نقمة

خدمو مخاخكم شوية

لا حول و لا قوة إلا بالله

الله لا تربح من كان سبب و على راسهم قناة إقرأ و أمثالها