arabeBluesChroniquesCoup de GueuleDéliresliberté d'expressionPolitiqueSociétéTunisie

واه يا عبد النقود, يا رابض على الحدود و تصفق على النظام

applaudissements

واه يا عبد النقود, يا رابض على الحدود و تصفق على النظام

كيفك يا واد خسيس, و تموت على التلحيس و خشمك فالتراب

سيدك باش يفرح بيك و عرفك باش يرقيك و تاخو منصب هام

برى إشري بندير و أخطاك من الضمير, طربق عليه الباب

واه يا عبد النقود, بحضورك ديما تجود و ولادك جيعانين

نحسك عينك تسترجل ولهمتك تستعمل و تولي كيف العباد

أما خسارتك موش فهيم و ضايع و بهيم مستصين فالطحين

زعمة يجيك نهار و تفيق و تبطل التصفيق و تنفع البلاد

واه يا عبد النقود, تستاهل الجحود و البخس والسبان

ديما تشكر و تناشد و فالبيرو ديما راقد, شاوش ولا مدير

شوف شعبنا التعيس و غطرسة البوليس في بلد الأمان

هج البطال و القاري فالخارج راسو عالي و في بلادو حقير

واه يا عبد النقود وجهك ديما ممدود و تقول عهد جديد

محلاكم كيف زاهين بالبنفسج والنسرين وتصاور الزعيم

نقص ماللغة البايته وهاك الشعارات الفايتة و تكلم فالمفيد

و راهو موش بيديك, تونس ليا و ليك, الشعب ماهوش زكيم

15 réflexions au sujet de « واه يا عبد النقود, يا رابض على الحدود و تصفق على النظام »

  1. Bravo!!! Il fallait l’imaginer, le composer, le tracer et le lancer en pleine figure des « tunisiens » de la honte!!! Merci!

  2. bravo .. tres belle version de la chanson de Chickh Imèm
    بالنسبة لنبيل ما تلوموش عليه راهو في طمبك التخميرة ..و يظهرلي ماخذ دوزه كبيرة بلاشه .. سينون .. يكون اكثر موضوعية و اقل كذب من هكاكه

  3. قوية من عندك ستوبور

    يا سي نبيل كل حاجة عندها اخرة. براس بوك ارجع نهار اللي رئيسك يطيح و حزبك يتحل.. وقتها ايجا اقرا اللي كتبو توا و احكم وحدك عل البهامة متاعك
    .-= Rafik´s last blog ..Inédit : Ammar censure Ben Ali =-.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.