fév 14
حاتم : يا ولدي أضرب كونتاكت
الصانع : هاني نضرب و باقي ما حبتش تخدم
حاتم : يا ولدي أعمل ضربات أكسيليراتور قبل ما تضرب كونتاكت
الصانع : يا عرفي هاني نازل عالأكسيليراتور و باقي شيئ
حاتم : تي توة بركة خدمتلي نورمال
الصانع : والله ما عملتلها شيئ يا عرفي , هاي عاكسة
حاتم : والله غيبة, باهي بمبي عالأكسيليراتور, سمي بآسم الله و أضرب كونتاكت, توة تخدم
حاتم هو الإلكتريسيان متع كرهبتي و ضاهرلي آخر مرة باش نمشيلو
ملا » سمي بآسم الله توة تخدم » معناها كل شيئ دخلو فيه ربي , حتى كهرباء السيارات؟
برى سمي بآسم الله و آنده ربي معاك
février 14th, 2009 at 3:38
لا حول ولا قوّة إلا بالله العظيم يا زنديق! ما تعرفش لي بذكر اسم ربّي تطمئن القلوب؟ إذن بذكر اسم ربّي يطمئن قلب السيارة و يترخف لكسيلاراتور و تمشي بحول الله، و الله أعلم
3ayéches last blog post..داروين، و العلم في العالم العربي
février 14th, 2009 at 17:21
ساعة ساعة تسمي باسم الله والكرهبة تخدم..برا عاد توا فهمو ..إلي في اللحظة هذيك راهي صدفة..إلي الايسونس أوصل لكربيرتور .. إلي بوجيات خدمو..إلي عملية الاحتراق وقعت..إلي الانفجار داخل الأسطوانة دور البستونات..اتاو وقتها يقلك :مع ربي لا فمة بستونات و لا أكتاف.. ههه
février 14th, 2009 at 23:51
تي ماهو « هذا من فضل ربي » … و ديما يمشي !
mars 23rd, 2009 at 12:14
ah bon!
mekech 7atet « aziz » à droite et « sabri » à gauche, avec une 5omsa 3arbi ou garn ghzel ou « hedha men fadhli rabbi » men fou9?
mela kifech 9a3ed tsou9?