arabeChroniquesCinemaCoup de GueuleCultureDéliresFunMe, Myself & IPhotoSociétéTunisie

آخر ما صدر في ميدان الجهل والخور من أخبار بلاد الحمير والبقر

برجولية ماعادش إنجم نحمل أكثر من هكة, شيئ ينطق الحجر

راهم بالعربي زادو فيه لين ماعادش

اليوم خوكم قاعد نخدم على روحي و كيف العادة ساعة ساعة نسمع كالصوت متاع مايل جديد عالأوتلوك

نعمل طلة, نشوف المايل شفيه و نرجع نخدم. المرة هاذي كيف حليت المايل ما عادش إنجم, بهمت. دخت. ما صدقتش

ما عرفتش روحي نضحك ولا نبكي ولا نعمل روحي ما فيباليش

أما الفازة تالمون ماهاش عادية, ضاهرلي يلزمها تتعدى فالموفيولا متع الأحد الرياضي

قالك هاذي وكالت أسفار, تونسية, تنضم جولة نور و مهند

الجولة هاذي, تدوم 3 أيامات كاملين يا بو قلب

تمشي 3 أيام لتركيا باش تعمل دولاشة عالبوسفور و تتفرج فالقصر الي مثلو فيه المسلسل و فوق من هذا و دونو يبدى يمني فيك أنك باش تتصور عالكرسي الي حط فوقو سي مهند ترمتوو باش تغزر لروحك فالمراية متع نور و باش تمس الريدو الي يضلمو بيه البيت باش سيادتهم يعملو واحد

الوكالة هاذي تختم كلامها باش تقلك إذا إنتي جاي باش تشوف نور ولا مهند, راهو دويو. تعمل مجهودك باش تمضمض مليح خاطرهم ما يقابلوش أما راك فالحقيقة ماشي باش تعيش بالمنى يا كبول, عفوا يا كمون

العيب موش فالوكالة هاذي الي تبيع فالجولة هاذي ب780دينار كارتة تحك في كارتة. أما راهو العيب فالجبورة إلي تشري فالمنتوج العجيب ياسر

الحقيقة, التونسي عودنا بحضورو الفعال فالمحافل الدولية كيما هاذم أما موش بالصيفة هاذي

أنا نتفكر هااك العام تبدى ماشي فالشارع تعرضك كتيبة على الحيط فيها : أنت أو لا أحد ولى تاكسي كاتب على مال كرهبتو : أنا كريستينا و أليخاندرو ألداما و ما نحكيلكمش على ماريا مرسيدس ولى قوادالوبي أما المرة هاذي ما فهمتش وين آخرتها

الحاصل هذي قالتلهم أسكتو

بلادنا مرهزة من أصلو و كمل زادو غرقوها هالبهايم والبقر

أهوكا باش تشوفو مليح, تنجمو تنزلو عالتصويرة باش تراو المايل كامل

9 réflexions au sujet de « آخر ما صدر في ميدان الجهل والخور من أخبار بلاد الحمير والبقر »

  1. ti borjoulia rajel illi tla3 biha ettal3a mass ettwensa fi il watar il 7asses ya3ref illi certaine personne yecht7ou ala tar bou fils alor pourkoi ne pas en profité ti sangour 3alami ydawer fi eddouléb
    chapeau bas

  2. el 3eeb mouch fil agence c un créno elle en profite ya wéldi 9alék les inscriptions pour les cours d turc ont atteint des pics fi tounés chak école d langue fait la pub pr cette langue 3’ir jéthom rzeena d dire apprenez la langue d nour et mohanned
    franchement la médiocrité a atteint ses sommets ds nos sociétés w na7na nanb7ou pr la laicité pr la liberté d expression ken yna7iwélhom ce feuilleton minable ma tseer révolution msékin na7na mouch houma!!!!!!!

  3. On n’est pas les premiers. D’autres agences de voyages dans d’autres pays Arabes: Syrie, Emirats, et je crois meme l’Irak organisent deja ces visites.

    A propos de l’agence Tunsienne, ca doit etre Montazah-Gammarth n’est ce pas?

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. Apprenez comment les données de vos commentaires sont utilisées.