arabeChroniquesCinemaCoup de GueuleCultureDéliresFunMe, Myself & IPhotoSociétéTunisie

آخر ما صدر في ميدان الجهل والخور من أخبار بلاد الحمير والبقر

برجولية ماعادش إنجم نحمل أكثر من هكة, شيئ ينطق الحجر

راهم بالعربي زادو فيه لين ماعادش

اليوم خوكم قاعد نخدم على روحي و كيف العادة ساعة ساعة نسمع كالصوت متاع مايل جديد عالأوتلوك

نعمل طلة, نشوف المايل شفيه و نرجع نخدم. المرة هاذي كيف حليت المايل ما عادش إنجم, بهمت. دخت. ما صدقتش

ما عرفتش روحي نضحك ولا نبكي ولا نعمل روحي ما فيباليش

أما الفازة تالمون ماهاش عادية, ضاهرلي يلزمها تتعدى فالموفيولا متع الأحد الرياضي

قالك هاذي وكالت أسفار, تونسية, تنضم جولة نور و مهند

الجولة هاذي, تدوم 3 أيامات كاملين يا بو قلب

تمشي 3 أيام لتركيا باش تعمل دولاشة عالبوسفور و تتفرج فالقصر الي مثلو فيه المسلسل و فوق من هذا و دونو يبدى يمني فيك أنك باش تتصور عالكرسي الي حط فوقو سي مهند ترمتوو باش تغزر لروحك فالمراية متع نور و باش تمس الريدو الي يضلمو بيه البيت باش سيادتهم يعملو واحد

الوكالة هاذي تختم كلامها باش تقلك إذا إنتي جاي باش تشوف نور ولا مهند, راهو دويو. تعمل مجهودك باش تمضمض مليح خاطرهم ما يقابلوش أما راك فالحقيقة ماشي باش تعيش بالمنى يا كبول, عفوا يا كمون

العيب موش فالوكالة هاذي الي تبيع فالجولة هاذي ب780دينار كارتة تحك في كارتة. أما راهو العيب فالجبورة إلي تشري فالمنتوج العجيب ياسر

الحقيقة, التونسي عودنا بحضورو الفعال فالمحافل الدولية كيما هاذم أما موش بالصيفة هاذي

أنا نتفكر هااك العام تبدى ماشي فالشارع تعرضك كتيبة على الحيط فيها : أنت أو لا أحد ولى تاكسي كاتب على مال كرهبتو : أنا كريستينا و أليخاندرو ألداما و ما نحكيلكمش على ماريا مرسيدس ولى قوادالوبي أما المرة هاذي ما فهمتش وين آخرتها

الحاصل هذي قالتلهم أسكتو

بلادنا مرهزة من أصلو و كمل زادو غرقوها هالبهايم والبقر

أهوكا باش تشوفو مليح, تنجمو تنزلو عالتصويرة باش تراو المايل كامل

9 réflexions au sujet de « آخر ما صدر في ميدان الجهل والخور من أخبار بلاد الحمير والبقر »

  1. الله يتولاك ياكشكوشة
    انا بصفتي ضحية م ضحايا مهند ماذابينا كان الفرادي هذايا يعمللنا تربص باهي في تونس و كيفاش يعمل بش دوب مايمدوجهو فالتلفزة البنات الكل تسكويرتي(مالقيتش الكلمة بالعربي).
    اما وكالة الاسفار ولاد قحاب بالضبط عرفو كيفاش تؤكل الكتف ولقاو الفيلون الباهي.
    ابكي عالدغفة اللي بش يكت 780 دنوس بش يشم الكلاسط اللي لبسهم مهند فالحلقة 147 ولا المنشفة اللي مسحت بيها نور فالحلقة 87 ….
    الحاصيلو بلادنا ميش نرمال كي روتانا…موش حتقدر تغمض عينيك!!!!

  2. le a9wa faza hia la cerise sur le gateau poster ou presense dans l imaginaire collectif mala cha5siyet 3adhima . mala tmanyik ou meskine echa3b ettounssi wala el jarbou3esteni.

  3. والله هايلة بيع الاحلام و الهبال ،والليّ عند الكعب بلعب كيف ما يحبّ

  4. merci pour l invit c est tres intressant surtt le cinema . bon si je donnes mon avis ne vous fachez pas in sha2 allah. j aime pas bcp comment nous autres tunisiens on decrit les autres peuples d ignorance, je pense qu on baigne tous ds le mm bain, on a du mal seulement a accepter de nous voir a travers les autres. on est pas mieux je pense. il faut lacher cette idee de juger deja avec des cliqches les peuples et les gens. c pas saint et ca manque de tolerance et d ouverture ds l angle de vision ds la vie. pardon pour tt derangement mais je dis sincerement les choses. comment peut etre esperer 1 solidarite quand on se supporte mm pas ??et les arnaques du net se trouve ds le monde entier mm en occident et aux usa. bon je me sens mieux mnt. merci et continuez c genial ce site de blog. on peut dire qu on est ceviliser le jour ou on accepte la difference sans prejuges ni tabous. on doit apprendre a vivre et laisser vivre. c ca la democratie aussi.

  5. العملية ساهلة برشة : مكتب الأصفار.. عفوا الاسفار يهند على الدغف ب مهند. وفي تركيا عينك ماتشوف إلا النور :-))

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. Apprenez comment les données de vos commentaires sont utilisées.