BlogzoneChroniquesCoup de GueuleCultureMe, Myself & IMessage in a songSociétéTunisie

ما ضربت حد على يدو

يرحم فمك يا علية كيف عطيتهم الحس

  • Oulaya – Khalli ikoulou ach ihemm
  • والله غريبة في هالبشر, ياخي ما عندهم ما يصنعو؟

    كل يوم تجيني حكاية, كل يوم يطلعولي بطلعة جديدة

    أمين عمل, أمين طلع, أمين هبط, أمين مشى, أمين جاء, أمين سكر, أمين حط صبعو في خشمو و أمين حكتو ترمتو. ما فما كان خليقتي؟ سيبو صالح راكم لحيتولها و عملتو نناحة فالطبق

    بجاه ربي ضربتش حد على يدو؟ شديتش حد بالسيف؟ نعمل إلي يظهرلي مع العباد إلي تعجبني والي نشم عليه الخنار نبعثو يشيت و نجبد عليه الشاس, حد ماهو شادد علي السماء لا تطيح و حد ماهو يوكل في وإلا يعطي في فالشهرية

    و كان فما حد كليتلو رزقو ولا عفستلو على زرعو ولا مسيتلو عرضو ماذا بيا يجي يحل جلغتو قدام البشر الكل و يتقرع بالي عندو وإلا يقلي ليا أنا آش حرق شعيرو و نحكيو فيها كيف الناس المتحظرة والمتربية والقارية والواعية والي عندها همة و عندها ثيقة في كلامها أما موش تجي تتكلم فالعباد في قفاها وتزيد تلحلح وتقول: بربي ما تقولش إلي أنا قتلك راهو أمين بيه و عليه

    أمين, باعثكم الكل طول و عرض باش يكون في بالكم

    أمين أومورو هانية مع روحو و يعمل إلي يظهرلو مع إلي يظهرلو خاطرو مقتنع بيه

    أمين ما يخاف كان من ربي و ساعات راهو موش ديما

    نحب نعرف بركة علاش تعملو هكة؟ ياخي إلي ما تخلطش عالحوت تقول منتنو؟ ماهو ماذا بيكم تقولو شنية هي أسبابكم وإلا لاعبين فيها الكل فاعلات خير مجهولة الهوية؟ يلعن بوه الخير كانو بالكلام في أعراض الناس

    وكان فيكم واحد وإلا وحدة تكلمت فيها في قفاها بربي تجي تقلي لعل هي الهدرة المعاملة بالمثل

    أما أنا مستوايا أعلى من هداري مقصورات الحمام و حوانت الحجامة و قعدات البنوت الناقصة عقل و دين و عطف و حنان و كالحاجة الأخرى الي ما خلطتش باش تاخوها من عندي

    الحمد لله مازال ثمة الخير فالدنيا و فما بنات أرجل مالرجال و تستاهل كل خير وراهم يعرفو رواحهم من غير ما نسميهم

    يا بنات حواء إلي عرفتو رواحكم شكون و توة أنا متأكد إلي ما عندكمش همة و قدر باش تحشمو على فعايلكم ثمة مثل يقول : يجيك الشتاء و تنبح كيف الكلبة

    هيا يا جماعة في خاطركم خلي نمشي نعطي حق الناس إلي بلحق تعطي في فالشهرية و من بعد باش نمشي نركش معى الجماعة إلي تحبنى و تعز علي

    والي حس روحو نتكلم عليه ماذا بيه يعمل مجهودو باش يخرالي فيه

    والسلام على من إتبع الهدى

    12 réflexions au sujet de « ما ضربت حد على يدو »

    1. Amine, je passe trop souvent lire ce que tu écris et j’adore, sincèrement. J’aurais aimé avoir ton niveau d’expression en arabe et un clavier bilingue 😀
      Des gens comme ça, je veux dire des lâches, t’en verras tous les jours, au point de hair la société et de devenir 5obziste qui parle foot dans un café sinon filles. Par contre, tu peux leur pisser au cul et puis les ignorer, la vie est plus belle par la suite 🙂

      Ignescences last blog post..Nous on baisse les coûts et vous vos pantalons

    2. @titof
      ديما رخيص دين بوك ديما رخيص….
      ياولدي سيب عليك منا رانا سفهاء و زناديق و كفار…
      قين ربنا يهديك…
      تي شبي ماعندكش همة..تي افهم روحك….
      برى هاوكا في نهج الدباغين عاملين صولد في دومانك…برى اتثقف شويا….
      اخطانا عيش خويا(اه نسيت انا مانجمش نجي خوك ماني كافر),قينا بلا كازابلنكا بلا هزان و سبطان

      يهديك و يصلح رايك ناقصين السخانة و الخدمة تكمل انتي ياسر وقتها عالجحيش…

    3. يا زبراط باللازمة لا ريت كافر حيوان كيفك
      موش كان مشيت عملت دورة مسامر لك البلاصة احسنلك
      ولا الروامة عملينيك خشية عندهم جاي تسيب عنا في العقد متاعك
      عل الاقل ستيبور احيانا يقدم فكر و تدوينات عليها الكلام و تتقرى اما انتي بالله العظيم كان بهيم يعمل مدونة يجي احسن منك
      و هيا شر تو كان جيت لمدونتك حل فمك يا رمز
      وتبقى الكلاب كلابا …….واعمل مجهودك ههههههههه

    Laisser un commentaire

    Votre adresse de messagerie ne sera pas publiée. Les champs obligatoires sont indiqués avec *

    Ce site utilise Akismet pour réduire les indésirables. En savoir plus sur comment les données de vos commentaires sont utilisées.