Général

في بلد الفرح الدائم : بالكورة نلهيوكم وفي فلوسكم نرزيوكم

في غانا عندنا طبيعة مشومة, تنجمو زادة تعتبروها صنعة خايبة

كل شيئي تعمل بالسرقة والدرقة : البوليس يتخبى وراء الشجرة, الحاكم يستنى فيك فالدورة الخبز يزيد بالغورة و كان سترجلو معاك و ما زادوش فالسوم, يتلفو الجرة و ينقصو فالميزان. و يا بوك تجي فالحنديرة.

آش قولكم في واحد شايخ ولا هوى مكشبر بعد ماتش كورة و عندو ولدو تخرج نتيجتو متاع الباك, ما تتصوروش محلاها كيف تقوم نهار الأحد الصباح و تاقف فالكيوسك باش تصب الإيسونص و تلقاه زاد, زاد بسبعين فرنك, سبعين يا بو قلب. راهو موش معقول هكا.

الإيسونس ولا ب1320 بجاه ربي قولولي شكون مازال يقدر عليه. و أحنا التوانسة مانا زعام, قريب كيف تمشي تخطب يولي نسيبك يطلب عليك خاتم ديامنت و خبزة قاتو و بيدون إيسونص. أما فالعرس لازمك تجيب كرني متع بونوات. إمالا نلعبو؟

إمالا كيفاش؟ لازمنا نواكبو عصرنا و نتعصرو زادة.

مازال التونسي يقدر عالكرهبة؟ مازال ينجم يخرج و يتفرهد بكرهبتو؟ كونشي إذا يتمرمد فالكار الصفراء و يتبحبح فالعروقات والسنان والدزان.

والي عندو عايلة ماذا بيه يشد دارو وإلا يختار يا يوكل صغارو يا يوكل كرهبتو أما الزوز لا

ويقعد الحل الأخير هوالتاكسي لمن إستطاع إليه سبيلا

يعني على هالدزة من هنا لآخر الصيف باش يولي الإيسونص ب 1500؟

المشكلة فين إلي موش الإيسونص بركة يزيد عندك كل المواد المربوطة بصفة مباشرة وغير مباشرة يعني ماخضرة والماكلة حتى الحوايج والضو والماء والأوناس و الدخان وكان لزم يزيدو فالسوم متاع صباح الخير و صحة أنستو بعد إلي التونسي ولا يبخل ماعادش يقولهم و كيف نقول يبخل راني مانيش نحكي عالكسل.

حطيت مخي و بديت نخمم في فازة تهمني إلي هي زيارة ولدي إلي يعيش هو و أمو في بلاصة تبعد 80 كيلومتر من تونس

يعني بين نفقة ومشية و جية من غير ما نجيبو معايا لتونس باش يشوفوه الدار و نحوس بيه شوية نلقاها الحسبة تدور فالشهرية متاع راجل بشلاغمو و يصرف على مرا و زوز صغار

هيا سيبونا مالمواضيع إلي تركب السكر

شقولكم فالسخانة ليوم؟ حلها تبحيرة. آش من تبحيرة بجاه ربي, كان باش تهز الكرهبة و تمشي لبعد البلاصة ما يفككش من 15 دينار فالكيوسك أخطى التناوش الزايدة.

إبتسم إنها تونس

15 réflexions au sujet de « في بلد الفرح الدائم : بالكورة نلهيوكم وفي فلوسكم نرزيوكم »

  1. @stupeur:

    behi ghali wou tlab er5iss! wenti la7keya 3amalheli sebba! à d’autres ama mouch m3aya ena la7keya el madhrouba mta3 l’essence à 1300mm! yezzi ble lougha ye chessmek!

  2. Salut
    et moi je me dis pourquoi depuis quelques mois, le prix de l’essence augmente partout sauf en Tunisie. Au contraire, la Tunisie a maintenu le prix de l’essence bas beaucoup plus que d’autres pays,
    En france, le prix du diesel est maintenant à 1,60 euros , équivalent à 3 dinars tunisiens. Le prix du baril a atteint des records et va encore augmenter cet été. C’est une conséquence logique l’augmentation des prix de petrole.
    Mais il est vrai que par rapport au niveau de vie d’un tunisien moyen c’est énorme.

  3. Bein, le gouvernement nous a piege avec ces bagnoles populaires, et les facilites pour les credits automobile. Meme ceux qui bossent a deux pas de chez eux ce sont credite pour acheter une bagnole. Plusieurs, si c’est pas la majorite, achetent les bagnoles juste pour le vis, ou pour ne pas avoir le sentiment de manque par rapport aux autres: douni! Et on prefere la bagnole la plus couteuse: 7, 9, 11 cheveaux. On voit plus de Mercedes chez-nous qu’on Europe. Je me demandes pourquoi les Hammer et les GMC chez-nous? On commence a les voir partout. Le Toyota 4×4 est devenu banal. Cela s’appelle l’illusion du developpement et du progres.

    Le prix du petrole a grimpe en Tunisie avant que ca devient le cas dans les autres pays. Ca s’appelle la politique avant gardiste!

    @Chakchouka: La majorite de ces bagnoles de luxe sont achetees avec l’argent de la banque. Et pour l’avoir, il suffit de bien connaitre un banquier. Nos soit-disant hommes d’affaires, comme ton electricien, travaillent un peu au depart. Mais apres, ils continuent en profitant du favoritisme et de la corruption.

  4. rabbi ykadder el khir .. el wehed mouch aref ech yaamel .. hatta men el patch mta3 tps ma tallech !
    maaneha hatta rakcha fiddar so3bet ..
    en plus el koura andi ena matahlan aghla melli andek : abonnement + 300km par match ya bougalb ..

    ayyamet rabbi y3addiha ala khir ..

    en plus jarrab khammem echahreyya tzid .. taw y3addiouhelek qadheyya akhlekeyya ..

    beheeddines last blog post..Bourguiba et la Palestine

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. Apprenez comment les données de vos commentaires sont utilisées.