BlogzoneChroniquesCoup de coeurCoup de GueuleCulturePolitiqueSociété

عمار الي عامل العار طلع إسمو العاطي شهر الواطي

الناس الكل  ظاهرلي تعرف عمار الي عمل العاربال404 متاعو

 

والله أش باش نقلكم راهو المقص والجلم في طبيعتنا كتوانسة و كعرب و كبشر

 

ملي واحد يتولد و هو عايش في محيط إجتماعي و سياسي و إقتصادي شعاره’ كلنا مع المقص’ وراني مانيش قاعد نلقالو في أعذار على خاطر أنا ملي صغير والوالد ربي يفظلو و يطول في عمرو عاطينا الحرية فالتعبير عالرأي و كنا نحاولو نتناقشو في كل المسائل الي تخصنا جميعا ولا كل واحد وحدو

 

بآختصار كنت ديما نلقا روحي في وضعيات محرجة شوية وقت الي نخرج مالنطاق العائلي الضيق و ندخل فالنطاق الموسع و خاصة من شيرة عايلت الوالدة ربي يحفظها ولا فالنطاق المدرسي والإجتماعي

 

كنت نتنعت بجميع الألفاظ المربوطة بالسياق هذا والي تمشي من « جلطام » إلى  » ما يقدرش » و « ما يحشمش » و « ما يخافش » و « مقوش » ( جاية ماليسارية) إلى أخره مالنعوت الي جاية من سجل الرقابة الذاتية والثقافة الترهيبية

 

من قدر بوك, إحشم على روحك, أش مدخلك, كول وآسكت, إطلع شد بيتك, ولا عندك فم و تتكلم, ما أصح رقعتك و هات من هاك اللاوي

 

مخ الهدرة, كبرت نلقى روحي مبهم فالإنتاج المحلي المبني عالرهبة والترهيب والطرايح  واليزي والفك علينا والآش مدخلك و دخلنا و هو أكبر منك و برشة حاجات الي تخصيك و تخليك تنحي ضميرك و تحطو فالقجر قبل ما تخرج تقابل المجتمع (كليت طرايح كيف الناس الكل أما على بلابزي و فصعاتي موش على أفكاري و آرائي و كلامي)

 

يعني مالمنطلق هذا ممكن باش نفهمو إلي سي عمار إلي في آخر حلقة طلع إسمو ‘العاطي’ و كنيتو ‘الواطي’ و بما يعبر عنو بالفرنسية

 

ATI –  décadence

 

يعني أنا من رايي أنو نحاولو نداويو و نعالجو مصدر العلة موش نكتفيو بتغطية و تغطية العوارض

 

باش نشدو العاطي نعتيوه طريحة ولا نحطوه فالحبس ولا حتى نحطولو سكوتش على فمو ماهوش باش يحل المشكل

 

لازمنا نخممو باش نتعرضو لفكر جماعي سائد متربي عالسياسة الردعية والوصاية و محو مبدأ المسؤولية

 

خاطر كان ناخذو الوقت باش نحللو نتائج الكبت والقمع نلقاوها تأدي إلى تصرفات كيما متع سي عاشور ناجي ولا زادا كيما متع الناس الأخرين مالطرف الآخر في أول فرصة تجي في يدهم بصيص من الحرية

 

هاذي هي الأشياء الي حقها تتراقب و تتحجب خاطر الدنيا موش مسيبة و نحبو ولا نكرهو فاقد الشيئ لا يعطيه

 

نتصورهم الجماعة هاذم يقولو الكلام هذا في مواقف إجتماعية مفتوحة خارجة عن النطاق التدويني؟ صعيب ياسر

 

التدوين والنقاش يدخل في مجال المواطنة المسؤولة و ماذا بيا كل واحد زادا يراجع شوية روحو

 

يسقط العاطي الواطي و يسقط التطرف الفكري الغير مسؤول

 

و باش نتمكنو مالتقدم لازمنا نرجعو للقديم و نعتبرو منو

6 réflexions au sujet de « عمار الي عامل العار طلع إسمو العاطي شهر الواطي »

  1. كلا مك منطقي وصحيح اما نختلف معاك في حكاية التطرف
    على خاطر التطرف متع جهة معينة بالضرورة باش يأدي الى تطرف للجهة المقابلة بالتالي كل مالطرف المقابل اتبع سياسة التصعيد بالضرورة الطرف الاخر باش يلقى روحو يتبع في سياسة التصعيد من غير ما يشعر
    تنجم تشوف انتي الحروبات والفعل ورد الفعل قد مايكون الفعل عنيف تكون ردة الفعل عنيفة وقد مايكون الفعل محدود يكون رد محدود هذا اذا متمش تجاهل الفعل
    لانو الحكاية اكبر من رأي وحرية راي الحكاية تتمحور حول صدام هويات الي تنجم بالتطرف متع هوية من الهويات تتحول من الدفاع عن مبدأاو فكر الى دفاع عن وجود

    titof’s last blog post..ياعمار ..يا هدار ..يزي علينا مالخنار

  2. ton speech est magnifique mais n’est il pas vrai que la censure ne tient pas compte des sujets comme celui évoqué par Achour Ennéji et « les autres » ,mon camp si c’est bien ça ce que tu voulais dire. Les censeurs, sous le commandement de 3ammar 404 cherche plus à coincer l’opposition politique , les révoltés et même les petites rebellions ?

    7chicha’s last blog post..Un baril de pétrole à 200 $ serait plutôt favorable à l’économie tunisienne !!?

  3. كلام معقول و صحيح ، لكن حكاية الحجب هذه ديمة يبقي فيها كلام
    أنا كنت نتمني تتدخّل ناس معتدلة في النقاش مع الناس المنطرفة موش اخليوهم ياكلو بعضهم و الغش و الحماس يوصّلهم يقولوا حوايج موش معقولة
    أنا ضد التطرّف مهما كان اتجاهو لأنو في الآخر مايجيب كان نتيجة عكسية…و الدنيا هذه مافيها حتي حد شيطان 100 في المية و إلا ملايكة 100 في المية
    أما في مايخص التربية راني كتبت في أوّل ما بديت نكتب علي هالموضوع و وريت كيفاش أحنا الوالدين نتحملوا مسؤولية في برشا أخطاء متاع ولادنا

    Hnani’s last blog post..نكتة لعمار

  4. امي هناني مع كل احترامتي ليك
    المرة الثانية نتعرضو للاهانة على يدك
    المرة لولة اتهمتنا الي احنا خونة وشراونا بزوز سوردي باش نكونو طرف في مؤامرة منيش فهمها لتو
    وتو تتهم فينا مناش متربين
    دونك باش نجاوبك بنفس الكلام الي قالهولك عمروش وموش لازم نعاودو
    ستيبور باب الحوار الجدي ديما محلول وانا لها
    مع احترماتي للحاضرين الكل

    titof’s last blog post..خطاب عاجل اليها

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *