BlogzoneCoup de GueulePolitiqueSociété

ثقافة التجوبير في بلاد الحمير

باش نختصر الحديث و مانيش باش نطول عليكم برشة

هالنهارين قاعد نتفرج و باهت في عجب ربي و ماكنتش باش ندخل روحي أما ليوم قريت حاجات بالرسمي خرجتني من صينتي و خلاتني نحاول نعلق عالي قاعد يصير

أنا مالي بديت نعقل وأنا نحاول نبني شوية أفكار شخصية و ذاتية على بعض المساءل المطروحة فالحياة اليومية و توة إنجم نقول إلي تأكدتمن بارشة حاجات

المفيد بعد ما تفرجت عالمهزلة الكبيرة الي صايرة فالبلوقوزمارة, مشيت ضربتلها كعبات و جيت باش نبربشها شوية

رغم الي باش نعاود شوية كلام قالوه الجماعة والي هوما فاطمة و ماني أما فمة جماعة ضاهرلي ما تعرفو غنمي كان باللية و ما تعرفو بقري كان بالكرشة

هالحملة الي قايمة عليها القيامة والله لا عندها لا راس و لا ساس والفاهم يفهو

عندي الوالد يطول في أنفاسو و ينال كل ما يتمنى و كان سهلتلو يزيد حجة أخرى كان ديما يقلي : الباب الي يجيك منو الريح, سدو وآستريح و كلامك معى الي ما يسمعكش ينقص فالأعمار

و بما أني نظن إلي عندي ما نصرف من عمري و مازلت صغير خليني نضحي بعويم ولا زوز في جرة الحملة ضد التجوبير

بجاه ربي قولولي, ياخي إنتوما كيما وخياننا الي تقول : من ليس معنا ضدنا؟

خليونا رايضين و نحيولنا الخطاب الديني من كل حوار

أولا

الدين حاجة شخصية و كل واحد شيطانو في مكتوبو وحر باش يؤمن وإلا يكفر وإلا يطبق و إلا يكتفي

ماهو فمة أمر بالمعروف والنهي عن المنكر أما راهو ماذا بيه الواحد يبدأ بروحو و يأمر روحو باش تحترم الناس و ما يقولش كلام العيب خاطر السيد هاذا ما يعرفش شكون يقرا فيه

نتصورو ماذا بيه أختو و أمو ما تشوفش و ما تسمعش منطق كيما هكة وكان صادفت و واحد قال كلمة هكة ولا هكة توة يولي عنترة إبن الشداد و زورو متاع العرب

ثانيا

الجهاد الأول هوة جهاد النفس وأصعب منو ما فماش, إذا, الي باش يبدا مذا بيه يصلح روحو قبل ما يجي يعمل دروس الوعظ والإرشاد للناس إلي كيفو كيفهم

ثالثا

التطرف والتشدد والتهديد والعنف أثبتو إفلاسهم على مرور السنين والدعوة للإنقسام والتفرقة ما تنجم كان تزيد تبعدنا عالهدف متاعنا الي نعرفوه الكل إلي هوة الحرية والكرامة

رابعا

العالم يتقدم و هارب بينا وأحنا واقعين فالفخ الي نصبوهولنا باش نزيدو نغمقو فالجهالة و نشدو في حكايات ما عندها حتى جدوى ملموسة

خامسا

الجماعة الي لاعبة فيها صناديد و متنكرة كيما هاك الي يضرب بالحجرة و يتخبى في شون أمو ماذا بيا نراه نهار يعري على زنودو و يورينا شكونو و يعرغ بنفسو

ونشوفو أش يقول وقتلي يولي إسمو معروف

التشبريش والتبهبير المتنكر علامة جبن وقلة قناعة بالشي الي يعمل فيه

سادسا

يا وخياني غلبتو عليا بالحكايات الفارغة

الناس ميتة بالكرتوش في بلادنا ولاخر يحكيلي على فلسطين و غزة و تواطئ إسرائيلي ضد العروبة

تي ماو نحلو مشاكلنا مبعد كان حياتنا القدرة تغزرو لغزةو بغداد و كان لزم حتى نبعثو كاسك بلو يحاربو فالزمبابوي

سابعا(مخيب دين أمو هالنومرو) راهو غلب عليا

ما فهمتكمش وين تحبو توصلو, عملتو بالضبط كيما يقول المثل : تسمع جعجعة و لا ترى طحينا

 

الطحين بأنواعو موش باهي, راهو ما يخرجش عليكم في هالزمان

سيبونا بجاه ربي مالديسكور متاع الدين والي عندو دبارة يعملها في عشاه

وسيبونا من هالخلافات بو دورو وآتلهاو بما هو أهم

باش نسكر هالبوست إلي بدا يغزل فيا

ما إنجم نقول كان: مع ثقافة التجوبير في بلاد الحمير, نسكر رب فمي خير

 

مع كل إحترامي لعمروش

هاني باش نجيك لبلجيكيا و كيما تفاهمنا هاك المرة, نمشيو نعملو كعبات بيرة في كالبلاصة

 

14 réflexions au sujet de « ثقافة التجوبير في بلاد الحمير »

  1. dima t5amejha ki tesker :d ya kafer :d bon ana mwaf9kek, amma 5ayef la tkoun la7kaya a5ter min mojarrad tjoubir ou nchallah rani ghalet

  2. désolée je réponds en français je n’ai pas de clavier en arabe !

    je te remercie Koch pour ton point de vue , ça me fait chaud au coeur bien que comme tu le sais je ne partage pas certaines de tes idées ni ta manière de t’exprimer :p

    comme a dit adam (tkhammajha !)

    bon je reprends mon sérieux , j’ai eu un choc quand j’ai vu un petit aperçu de ce qui se passait avec cette histoire et surtout l’escalade sur les blogs de fatma et mani ….

    Je ne suis pas assez qualifiée pour parler de religion, mais je suis tombée des nues, j’ai eu l’impression d’avoir un clan des croyant contre un clan des « koffar »

    j’espère que tu as raison sur le fait qu’il s’agit juste de tjoubir , mais j’ai bien peur que ça soit plus gros cette fois ci…

    houssein a parlé de pouvoir des blogs cette semaine, oui les blogs tunisiens prennent de l’importance, ils deviennent une source d’information sur certains sujets , mais cela ne devrait pas leurrer certains avec leur 30 visites par jour…
    ça me rappelle la fable de laFontaine « La Grenouille qui veut se faire aussi grosse que le Boeuf »

    la grenouille explose à la fin ! et heureusement

  3. ستوبر
    نقص مل لحديث ونتي سكران راو حكايات المغرب بادت تخرج وبدات تفوح الريحة
    رد بالك راهم اؤلياء وفيهم حتى شكون معرس
    باهياشي السلعة

  4. كلامك معقول في بعض الجوانب ولكنك نسيت الي مقابل هالجماعة الي سميتهم جبورة (ولو انها كلمة مبتذلة جدا) مقابلينهم جبورة أخرين كل ما يتكلمو يسبو رب العباد ويتهكمو ويتمسخرو على معتقدات الناس وهذا طبعا يستفزهم. فثمة الي رد فعلو يكون بالتكفير والتفسيق.
    أنا أعتقد اللي الاصطفاف الي أحد الفريقين يزيد يصب الزيت علي النار وأنا أدعو بقية المدونين والمعلقين الانونيم كيفي باش يعزلوهم ويخلوهم بهيم ياكل بهيم(هوما راهم ما يجوش خمسة والا ستة مدونين).
    الحاصيلو ربي يهدي من خلق وربي يقدر الخير لهالبلاد الي موش عارف وين ماشية (انشاءلله موش للهاوية.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.