DéliresSociété

أنا قلتلو, أما هوا راسو صحيح

kalb.jpg

 

 

 

والله قلتلو

شي راسو صحيح

نعرفو ما يسمعش الكلام

إي شنوا الحل معاه؟ لازم تتبدل هالحكاية

تي كل مرة فرد حكاية, سيدي عربي كيف بعبوص الكلب

شبيه الكلب؟ هيا حدك حد المسقي, ما نحبش فالكلاب

تي هيا البلاد الكل مبنية على راس كلب

عربي ولا برجي؟

زيد تفيسخ عليا مليح

أنا؟ أبدا

باهي شنوا حلها؟

نبيضو الدار و نعملو حزب اللطيف

ياخي شبيك رمز؟

والله نحكي معاك بالرسمي, ياخي لتوا طامع فيه باش يشد الثنية؟ راهو وصل لسن الرشد والنافع الله ياخي قلت مادامهم قراو علينا و بنجونا خلي نقراو عليهم فماشي ما تسلك

والله فكرة

أحنا نجربو شكون يعرف

باهي شكون نجيبو؟

جماعة سيدي بالحسن

لا جماعة سيدي محرز

لا سيدي بالحسن

ياخي شنوا؟ حتى في هذا ما تفاهمناش و تحبنا نوصلو نستويو بعبوص الكلب؟

دوويو

باقي تتمنيك عليا؟

حتى إنت هذا حد عقلك ماني قتلك راسو صحيح كيف راس الكلب

موش قتلك من فظلك إحترم روحك راني ما نحبش فالكلاب

باهي شنوا حلها؟

نعملو إحتفال كبير في قابس و توا كل يد تشد أختها

ماصح راسك

موش قتلك؟ إبدا إستوي روحك من بعد خمم في الكلاب الأخرى

وحدك يا كلب

 

هب هب هب

 

الكلاب تنبح و زميمهم ما على بالوش

Une réflexion au sujet de « أنا قلتلو, أما هوا راسو صحيح »

  1. fe3lan elbled mabnia 3la ras kalb 3arbi, ou kima y9oul elmathal
    ched kalbek khir me yjik mé akleb minnou

    ps:
    yezzi ya rajel chbik 3la le gwabsia
    me yhebboush 7keyet lekleb

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *