DéliresMe, Myself & I

وقفت الزنقة بالهارب

قد ما حاولت إننسي روحي

قد ما حاولت نتلف الجرة و نقول غدوة تسلك

جيت نحب نرقد و نرتاح شوية, شي, ما لقيت فيها وين

تلمت ياسر على بعضها ولازمها حل جذري

نعزر للوقت

الخمسة و نص متاع الصباح

نهار كامل تعدى وانا نستنى

لبارح الصباح جاني تليفون قطعلي قلبي, كلمة نستنا فيها عندي مديدة, مبعد قعدت نستنا

جاني تلفون, ما حبش يخطف, حاولت نعاود نطلب, شي النافع ربي

شقيت فطري ورجعت لالدار

نستنا

مادامك تستنى, مخك قاعد يخدم

الحاجات الي لازمك تعملهم الكل يهبطو بالقرو

أكاهو, ماعادش فيها

عندي عشرة أيام لازمني نليكيدي فيهم الماكسيموم

يبدا شهر أكتوبر على نظافة

زعمة تسلك؟

والله ماني عارف

أنا باش نتوكل على ربي و وين باش ترصي خليها ترصي

توة الستة و نصف متاع الصباح

خلي واحد يضربلها دوش و يبدا الحركة

هيا نهاركم زين

إدعيولي دعيوة خير

والله لا يضيع أجر المحسنين

 

 

11 réflexions au sujet de « وقفت الزنقة بالهارب »

  1. تسلك بحول الله.
    باهية قومة الصباح باش الواحد يستفتح على بكري
    خويا انشاله ربي معاك و ما تلقى كان الخير.
    لكيدي ملا و ابد شهر اكتوبر نضيف
    كيما تقو ل انتي

    You Need a new beginning!
    enharek zin ya amine

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.