Coup de GueulePhotoSociété

تعرفو أنا شنوة شاهي؟

 

pub-de-merde.jpg

 

 

تعرفو أنا شنوة شاهي؟

أنا توة شاهي نلقا السيد الي حطلي الورقة هاذي فالبوات أو لاتر متاعي

نحب نحطو بارك علي ركابو و نبدا نركزلو

كرد, مشطة, داودي, جردوق, شلبوق

ما نسيبو إلا ما نعرفو ماعادش يدور بالربط متاعي

 

راني الحكايات هاذومة ما نحبهمش

نكرههم, سبحان الله, عندي ألارجي مالجهل متاع العريبة

 

بجاه ربي فسرولي

الناس تقرا درا قداش إن عام و تلقاه بالسيف ما يعمل سبيسياليتي في حاجة منهم

و هاللي لاعبة فيها الروحانية الحكيمة تجنقل مالعذر لالشقيقة

مالمصران الغليظ حتى لعرق الأسى يا بو رب, هاذا شيئ كبير, من أقوى ما فمة

 

راهي إداوي فالكنسار يا بو قلب, الناس تضربها لدراوين باش تعمل عمليات و شيميو و يعلم ربي بيهم و تاتا رابحة موجودة أما راهي سير رندي فو, و نهار الجمعة فيشتة ترتح فخار ربي.

 

ياخي ما فماش حاكم في هالبلاد الكلبة؟

ما فماش ناس توقفهم عند حدهم؟

 

يا سيدي ناس بكري كانو على قد عقولاتهم, أهوكة نسمعو بواحد مشا يكوي في سيدي الحلفاوي باش ينحي التابعة و إلا الآخر مشا عمل مغيثة عند الحجام باش ينحي الدم الخايب, كان خلات و جلات أهوكة نسمعو بوحدة كتبت إل خطيبها باش ما يتلفهاش أما باقي شي يقتل بالضحك.

 

تاتا رابحة حاطة زوز برطابلوات, طلبتهم الزوز, واحد ديما أكوبي ما تحصلت عليه كان بالسيف و طلع متاع « الكاتبة متاع للة رابحة » و باش تشوف تتصرفلي في رندي فو منا لآخر اجمعة  والآخر هز راجل قالي ما فماش بلاصة قبل الجمعة الجاية على خاتر مشكلتي تشد اليد, شبيك راهو موش ساهل باش يداوي لقرح فالمعدة.

 

موش حلال واحد يصففهم قدامو و يصب عليهم الإسونس و يلهبهم؟

آه يا ربي علاش هكة

 

البلاد  مشات تنيك و أحنا ماناش فايقين

 

سعدك يا مقطع الرباط و هاجج من هالمصايب الزرقة.

 

 

17 réflexions au sujet de « تعرفو أنا شنوة شاهي؟ »

  1. زيدو زيدو راهو مازال يتنفّس و زبّسلو في جداقو باش ما عادش يحلّ فمّو :)))) وما تنساش القرامع

  2. éna issif eli fét 5alit el 2aSS5ass hadhouma mazzélou fi stade el publicité dans un journal mil chourou9 w inti habbét ..
    haw tra9aw assidék ah .. walla prospectussét w al3ab .. chay kbir hédhi..
    waaaa 5èlti rèb7a hal 7annAna .. na saGaya jét habbta fil drouj iddagdégt .. guélouli manfoussa .. ba5rouli bil wacha9 wadéd w bil sinouj w chaaay .. loujéyi3 rékbni min gobbi el séssi ..
    w5ayti jéttik ib jéh rabbi ..
    ib rass wlidétik (rajélha yodhrob la5fif :p) .. kén ittdéwini yamma na3mil abonnement (kifma 3and el 7ajéma) .. liflouss? ya3mbouha .. otlob eli t7ib .. ama déwini bark .. ma tGoulilich rabbi w ma rabbi .. ha l7anana na nidri eli inti wassla el fOg w 3andik laktéf min siddi manssour el sidi mi7réz ..
    ababababababab saggaya :p ..

    plus sérieux .. ijj’hal mssiba .. w akbér mssiba hya el parabolét .. wallahi 7a99hom ya3mlou d tests lel 3abd eli béch yéchri parabole ..
    ama el fa9r akbér mssiba zéda ..
    billéhi wé7id 9ilil .. mridh bil sokkér mathalan .. 3andou 7a99 visita ib hek la7sséb? w 7a99 iddwéyét?? .. sbitar? w kif yabda hék ijmé3a eli ma 3and’homch bitta9a? .. w la pharamacie de l’hopital ma fihéch iddwéyét elkol ..
    ce genre de truc mou2achér ke libléd mouch en dérive barka ..
    d fois j’me demande kifféh ltawa wé9fa tounis wallah :s ..
    rabbi yostor mili jéy ..

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.