Coup de GueulePhotoSociété

تعرفو أنا شنوة شاهي؟

 

pub-de-merde.jpg

 

 

تعرفو أنا شنوة شاهي؟

أنا توة شاهي نلقا السيد الي حطلي الورقة هاذي فالبوات أو لاتر متاعي

نحب نحطو بارك علي ركابو و نبدا نركزلو

كرد, مشطة, داودي, جردوق, شلبوق

ما نسيبو إلا ما نعرفو ماعادش يدور بالربط متاعي

 

راني الحكايات هاذومة ما نحبهمش

نكرههم, سبحان الله, عندي ألارجي مالجهل متاع العريبة

 

بجاه ربي فسرولي

الناس تقرا درا قداش إن عام و تلقاه بالسيف ما يعمل سبيسياليتي في حاجة منهم

و هاللي لاعبة فيها الروحانية الحكيمة تجنقل مالعذر لالشقيقة

مالمصران الغليظ حتى لعرق الأسى يا بو رب, هاذا شيئ كبير, من أقوى ما فمة

 

راهي إداوي فالكنسار يا بو قلب, الناس تضربها لدراوين باش تعمل عمليات و شيميو و يعلم ربي بيهم و تاتا رابحة موجودة أما راهي سير رندي فو, و نهار الجمعة فيشتة ترتح فخار ربي.

 

ياخي ما فماش حاكم في هالبلاد الكلبة؟

ما فماش ناس توقفهم عند حدهم؟

 

يا سيدي ناس بكري كانو على قد عقولاتهم, أهوكة نسمعو بواحد مشا يكوي في سيدي الحلفاوي باش ينحي التابعة و إلا الآخر مشا عمل مغيثة عند الحجام باش ينحي الدم الخايب, كان خلات و جلات أهوكة نسمعو بوحدة كتبت إل خطيبها باش ما يتلفهاش أما باقي شي يقتل بالضحك.

 

تاتا رابحة حاطة زوز برطابلوات, طلبتهم الزوز, واحد ديما أكوبي ما تحصلت عليه كان بالسيف و طلع متاع « الكاتبة متاع للة رابحة » و باش تشوف تتصرفلي في رندي فو منا لآخر اجمعة  والآخر هز راجل قالي ما فماش بلاصة قبل الجمعة الجاية على خاتر مشكلتي تشد اليد, شبيك راهو موش ساهل باش يداوي لقرح فالمعدة.

 

موش حلال واحد يصففهم قدامو و يصب عليهم الإسونس و يلهبهم؟

آه يا ربي علاش هكة

 

البلاد  مشات تنيك و أحنا ماناش فايقين

 

سعدك يا مقطع الرباط و هاجج من هالمصايب الزرقة.

 

 

17 réflexions au sujet de « تعرفو أنا شنوة شاهي؟ »

  1. bah! si tu veux un coup de main, wallah nji nseb m3ak. neb3athlek C.V ( fel chatm )?

  2. أما أهوكا ماخذين إحتياطاتهم… و كان جرات مشكلة مش منهم « النتيجة تكون إيجابية بحول الله »… بالمناسبة وقتلي تحطو على ركايبو و قبل ما تركزلو إقترح عليه بدائل أخرى

  3. Ben Messieurs ne vous étonnez pas ce métier est aussi fleurissant en France qu’en Tunisie.

    Bien sûr, les meilleurs spécialistes sont ici.

    Yékhi Stu tawa inti jarrabet béch tohkem 3lihom, walahi 3ib 3lik, we li3elmek hathoukma ness habta 3lihom barket rabbi we ness salhine we rodd balek, lé ya3mloulek 3amla khayba.

    Echey lellah sidi abdelkader.

  4. Mais pkoi t’as enlevé le contact ? ça m’interesse moi 😀

    Pkoi j’ai pas ce genre de prospectus dans ma boite au lettres !! c’est vraiment injuste 🙁

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.