Coup de GueulePhotoSociété

تعرفو أنا شنوة شاهي؟

 

pub-de-merde.jpg

 

 

تعرفو أنا شنوة شاهي؟

أنا توة شاهي نلقا السيد الي حطلي الورقة هاذي فالبوات أو لاتر متاعي

نحب نحطو بارك علي ركابو و نبدا نركزلو

كرد, مشطة, داودي, جردوق, شلبوق

ما نسيبو إلا ما نعرفو ماعادش يدور بالربط متاعي

 

راني الحكايات هاذومة ما نحبهمش

نكرههم, سبحان الله, عندي ألارجي مالجهل متاع العريبة

 

بجاه ربي فسرولي

الناس تقرا درا قداش إن عام و تلقاه بالسيف ما يعمل سبيسياليتي في حاجة منهم

و هاللي لاعبة فيها الروحانية الحكيمة تجنقل مالعذر لالشقيقة

مالمصران الغليظ حتى لعرق الأسى يا بو رب, هاذا شيئ كبير, من أقوى ما فمة

 

راهي إداوي فالكنسار يا بو قلب, الناس تضربها لدراوين باش تعمل عمليات و شيميو و يعلم ربي بيهم و تاتا رابحة موجودة أما راهي سير رندي فو, و نهار الجمعة فيشتة ترتح فخار ربي.

 

ياخي ما فماش حاكم في هالبلاد الكلبة؟

ما فماش ناس توقفهم عند حدهم؟

 

يا سيدي ناس بكري كانو على قد عقولاتهم, أهوكة نسمعو بواحد مشا يكوي في سيدي الحلفاوي باش ينحي التابعة و إلا الآخر مشا عمل مغيثة عند الحجام باش ينحي الدم الخايب, كان خلات و جلات أهوكة نسمعو بوحدة كتبت إل خطيبها باش ما يتلفهاش أما باقي شي يقتل بالضحك.

 

تاتا رابحة حاطة زوز برطابلوات, طلبتهم الزوز, واحد ديما أكوبي ما تحصلت عليه كان بالسيف و طلع متاع « الكاتبة متاع للة رابحة » و باش تشوف تتصرفلي في رندي فو منا لآخر اجمعة  والآخر هز راجل قالي ما فماش بلاصة قبل الجمعة الجاية على خاتر مشكلتي تشد اليد, شبيك راهو موش ساهل باش يداوي لقرح فالمعدة.

 

موش حلال واحد يصففهم قدامو و يصب عليهم الإسونس و يلهبهم؟

آه يا ربي علاش هكة

 

البلاد  مشات تنيك و أحنا ماناش فايقين

 

سعدك يا مقطع الرباط و هاجج من هالمصايب الزرقة.

 

 

17 réflexions au sujet de « تعرفو أنا شنوة شاهي؟ »

  1. l’autre jour le zappais sur le Nilesat, et hop, j’entend « barcha barcha » .. je regarde, il s’agit d’une emission ou il ya une présentatrice pas très très habillé assise a coté d’un soit disant « cheikh » ou je ne sais meme pas quoi, qui vous soigne de tout, vous elimine tout, et ya3mellik « tawkil » (ya3ni i9ollik klem qui fait que grace à lui, ki tetwekkel 3la rabbi rabbi yi9bil itawkila mta3k) il etais en direct avec une Tunisienne très très très excitée par le fait d’etre en contact avec ce Mr.. barcha marrat 7awlit sans succés!

    el 7asilou isayed lui a dis de regarder ses yeux à traver l’ecran de la télé .. et il a commencé son délire..

    Ahhhhh ah

  2. hier j trouvé le méme truc dans ma boite au lettre aussi ( élli farra9hom 9am bél wajéb w dar 3al 7ouma él koll! )
    chay yo2séf berrasmi wélli yo2séf akthér éli c gens yel9aw jarayéd ya3mlou fihom él pub mta3hom na9és kén béch ya3mlou street marketing

    :S

  3. ah nsit 7aja stup éna m3ak félli él blad mchét tnayék amma énnika féch…a7na féy9in !!!

    w désolé 3al klém él…. w norman !

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.