Coup de Gueule

!!إلي برجو بالمرمة , يموت في سطل بغلي

والله ما فهمتش وين آخرتها

.تمشي فالشارع ما تسمع كان الي تكره, وسخ وذنيك, ربك والسما يخيط

.مالذكورة للأناثي , مالصغير للكبير و حتى الي يدبي عالحصير

مقبيلة, هبتط ناخو في كسكروت, بنية تبارك الله عليها, تعمل فالترنتان نظيفة و ظاهرة متربية و مثقفة, واقفة تستنا عند الكسكروتاجي, أحنا هكاكة و جا راجل مسيكن كمل فطورو و باش يخلص و يقصد ربي, كي تعدا بجنب صحيبتنا ما سمعت كان الطفلة قالت فيها وووه

و بدات السنفونية, من أمو إل بوه إل أصلو و عرش جد بوه لولاني والراجل ماهو فاهم شيئ

قال شنوه, كيف تعدا بجنبها باش يلخو بابيي يمسح فيه يديه, قربلها شويا

الراجل دخل بعضو و ما لقا ما يقول, الناس تقلها وسع بالك ما صار شي يا مادام و هيا تزيد تشعل, كلامها ولي بالسفاهة, والدين والسماء قال شنوة, مادموازيل موش مادام. أكا هو, ركح الجو شويا, خذات كسكروتها و خارجة, غزرت إل صاحبتها و قالت: ملا عرب.

خاترها هي بنت الأصرم متع فرانسا, إسمها الثلاثي: صمونة جرمانة من نقبة الأصرم, والله شيئ يعيف

أخطانا من قلة التر بية, هاذيكا ولات دي ساري, كانت أبسيون, أما توا الي ما يقولش كلام مرزي ولاو يقولو عليه قعر, زمني, متخلف و رجعي

الفازة وين, إلي نحنا ولينا راسيست في بعضنا, جو دي بيان راسيست موش ريجيوناليست, الرجيونالزم لعب ذري, ديفيزيمن دو, ما عادش أ لا باج

ما تسمع كان: ملا عرب, سيدي عربي, كربي متخلف, ملا ليبي, عربان, ووه هالعريبة

أنا برجولية ما نقولش إلي أنا عربي, موش على حاجة, أما خاترني مخلط مجلط, مالعربي للبربري للأندلسي للتركي للفينيقي للروماني إل ما نعرفش شكون آخر

أما كون مام, عايش في بلاد تطغى عليها الهوية العربية و دستورها ينص إلي هي بلاد عربية و دينها الإسلام

و نكرز كي نسمع هالحكايات الكل

كان أحنا نقولو هكة ألور ما لازمناش نتشكاو مالأخرين كيفاش يقولو علينا في فرد حاجة و ساعات أقل

ملا عرب هاذم

PS : : صمونة جرمانة من نقبة الأصرم Simone Germaine Du Trou Lasram

 

signage-arabic.jpg

8 réflexions au sujet de « !!إلي برجو بالمرمة , يموت في سطل بغلي »

  1. ohhhhhhhh 😮

    sara fallait s’assoir dessus 😮

    malla révélation hévi..!!! 😮

    cho mabannou héva 😮

    😮 😮 😮 😮 😮

    lolllllllllllls

    biiiiiip énty 3inék ayah :p

  2. Les utilisateurs de IE avaient des prbs pour afficher correctement le post.
    le probleme semble etre résolu.

    ah ya firefox rabby ykhallik laya.

  3. wallah 3andik 7a9 fi kol elli 9oltou, enti marit chay, barra l lycéyét tawa win chbéb el mosta9bal….walla fthaya7!
    PS: malla taswira, merci awka tawa fhemt kifech …. wow, malla é5tira3!

  4. للأسف يا أخي، الآن عندما يبجث أحدهم عن الكلمة Arabic
    في بحث جوجل الصوري تأتي هذه الصورة كأول نتيجة تفسر معنى كلمة عربي
    طبعا هذه الصورة لن يفهم أجنبي الكلام المكتوب فيها ولكنها تظل أسوأ صورة قد تعبر عن الكلمة عربي في جوجل صور
    برجاء منك تغيير الصورة أو تغيير الكلمات الدلالية في موضوعك
    .-= riddler.tk´s last blog ..كيف تنسخ الصور من ملف pdf بـ adobe reader =-.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *